మా కాంబినేషన్ ఫెయిలైనా మ్యూజిక్ ఫెయిల్ కాలేదు!

సుప్రీమ్ హీరో సాయి తేజ్ నటించిన ‘ప్రతిరోజు పండగే’ చిత్ర ప్రీ రిలీజ్ వేడుకలో తన బెస్ట్ ఫ్రెండ్ తమన్‌‌తో ఉన్న ఫ్రెండ్ షిప్ గురించి చెప్పి ఎమోషన్ అయ్యారు సాయి తేజ్. మాకోసం ఇక్కడకు వచ్చిన మా ఫ్యామిలీ మెంబర్స్‌కి పెద్ద థాంక్స్.. మా ఫ్యామిలీ అంటే మా సినిమా ఫ్యామిలీ కాదు.. మా మెగా ఫ్యామలీ. మీరు మా ఫ్యాన్స్ మాత్రమే కాదు.. మా బంధువులు. నేను ఈరోజు మీ ముందు ఇలా స్టేజ్ ముందు నిలబడి మాట్లాడటానికి మా ముగ్గురు మామయ్యలు కారణం అయితే.. దాన్ని కొనసాగించడానికి మీరే కారణం. మెగా అభిమానులు మాతో ఉంటే.. మాకు ప్రతిరోజు పండగే. రెండేళ్ల పాటు నా కెరియర్ డల్‌గా ఉంది.. షేక్ అయ్యింది. ఆ టైంలో నాకు అండగా ఉన్నవాళ్లు మెగా ఫ్యాన్స్. ఈ విషయంలో మెగా ఫ్యాన్స్‌కి రుణపడ్డా. మీకోసం ఎప్పుడూ కష్టపడతా. ఈ సినిమాలో కొన్ని ఫైట్స్ చేసింది కూడా ఫ్యాన్స్ కోసమే. మీరు గర్వంగా ఫీల్ కావాలనే థాట్‌తో కొన్ని ప్రయోగాలు చేశాం. నాపై నమ్మకంతో నాకు ఈ గొప్పచిత్రంలో అవకాశం ఇచ్చారు నిర్మాతలు అరవింద్, వంశీ, ప్రమోద్, బన్నీ వాసులు. వీళ్లు నాపై నమ్మకం పెట్టుకుని మంచి కథను నా దగ్గరకు తీసుకుని వచ్చారు. దర్శకుడు మారుతి అద్భుతమైన స్క్రిప్ట్ ఇచ్చారు. డిసెంబర్ 20న సినిమా చూశాక.. మా తల్లిదండ్రులకు మేం చేస్తుంది సరిపోతుందా? అనే క్వచ్ఛన్ అందర్లోనూ కలుగుతుంది. మ్యూజిక్ డైరెక్టర్ తమన్ నా బెస్ట్ ఫ్రెండ్. చాలా మంది మా ఇద్దరి కాంబినేషన్‌లో వచ్చిన సినిమాలు ఫ్లాప్ కావడంతో అతన్ని వదిలేయండి అని అన్నారు. కాని ఫ్రెండ్‌ని ఎలా వదిలేస్తాం. ఫ్రెండ్‌ని వదల్లే కదా. నేను కింద పడినప్పుడు నాతో ఉన్నాడు.. నేను పైకి లేచినప్పుడు నాతో ఉండాలి కదా. అందుకే వాడ్ని వదల్లేదు. మా కాంబినేషన్ ఫెయిల్ అయినా మా మ్యూజిక్ ఫెయిల్ కాలేదు. అదే కాన్ఫిడెన్స్‌తో ఈసారి మ్యూజిక్ ఫెయిల్ కాలేదు.. సినిమా కూడా ఫెయిల్ కాదు. ఆ నమ్మకం అయితే నాకు ఉంది. నేను కష్టాల్లో ఉన్నప్పుడు నాతో నా ఫ్రెండ్ ఎలాగైతే ఉన్నాడో.. నేను అలాగే నా ఫ్రెండ్ కోసం ఉన్నాను. ఈ సినిమా ఎట్టిపరిస్థితుల్లోనూ నిరాశ పరచదు. ఈ సినిమాకు సీతారామశాస్త్రిగారు పాటలు రాయడం చాలా ఆనందంగా ఉంది. లాంగ్ బ్యాక్ ‘ఎప్పుడూ ఒప్పుకోవద్దురా ఓటమిని ’ అని ఒకపాట రాశారు. ఇప్పటికీ ఆ పాట వింటూనే ఉంటాను. ఆ పాటతో నేను స్పూర్తిపొందాను. మీకందరికీ తెలిసింది నా సినిమా కెరియర్ ప్రారంభమైంది 2014 అని. కాని మీకు తెలియని విషయం ఏంటంటే నా కెరియర్ స్టార్ట్ అయ్యింది 2009లో. ఐదేళ్లు పట్టింది నా సినిమా రిలీజ్ కావడానికి. కాని ఆ టైంలో నేను చాలా బాధ పడ్డా. ఆ సందర్భంలో సీతారామశాస్త్రిగారు రాసిన పాట నాలో ధైర్యం నింపింది.