54 రోజులు, రోజుకి 2GB ... బీఎస్ఎన్ఎల్ బంపర్ ఆఫర్

టెలికాం రంగంలో ప్రస్తుతం బీఎస్ఎన్ఎల్ ఒక్కటే టారిఫ్ రేట్లను పెంచకుండా ఉంది. ఎప్పట్నుంచో మార్కెట్లో నంబర్ వన్ లో ఉన్న జియో కూడా రేట్లను పెంచడంతో దానిపై ఎన్నో విమర్శలు తలెత్తుతున్నాయి. దీన్నే బీఎస్ఎన్ఎల్ అవకాశంగా మలుచుకుంది. మిగతా నెట్ వర్క్ ల్లో 56 రోజుల వ్యాలిడిటీ రోజుకు 2 జీబీ డేటా కావాలంటే కనీసం రూ.350 రీచార్జ్ చేసుకోవాల్సిందే. కానీ బీఎస్ఎన్ఎల్ మాత్రం రూ.200లోపే ఆ ప్లాన్ ను అందిస్తుంది. అదే బీఎస్ఎన్ఎల్ రూ.197 ప్లాన్. ఈ ప్లాన్ తో రీచార్జ్ చేసుకుంటే రోజుకు 2 జీబీ డేటా 54 రోజుల పాటు లభిస్తుంది. అయితే దీంతో కాలింగ్ లాభాలు, ఎస్ఎంఎస్ లాభాలు ఏవీ అందించడం లేదు. కేవలం డేటా మాత్రమే లభించనుంది. మిగతా నెట్ వర్క్ లను చూసుకుంటే టారిఫ్ రేట్లు దీని కంటే చాలా అధికంగా ఉన్నాయి. ఎయిర్ టెల్ నే తీసుకుంటే 56 రోజుల వ్యాలిడిటీ ప్లాన్ రూ.399గా ఉండనుంది. అయినప్పటికీ రోజుకు 1.5 జీబీ డేటానే లభించనుంది. అయితే దీంతో కాలింగ్ లాభాలు కూడా అందుబాటులో ఉండనున్నాయి. బీఎస్ఎన్ఎల్ లో వాయిస్, డేటా అందించే ప్లాన్లు కూడా మంచివే ఉన్నాయి. మీరు రూ.399తో రీచార్జ్ చేసుకుంటే.. రోజుకు 1 జీబీ డేటా, 100 ఎస్ఎంఎస్ లు లభించనున్నాయి. కాలింగ్ కోసం 250 ఉచిత నిమిషాలు అందిస్తారు. ప్లాన్ వ్యాలిటిటీ 80 రోజులు. అలాగే రూ.448తో రీచార్జ్ చేసుకుంటే రోజుకు 2 జీబీ డేటా లభించనుంది. ఇందులో కూడా కాలింగ్ కు 250 నిమిషాలు అందిస్తారు. ప్లాన్ వ్యాలిడిటీ 84 రోజులుగా ఉండనుంది.