పిల్లల కోసం ప్రత్యేక అకౌంట్స్.. లాభాలేంటో తెలుసా?!

SMTV Desk 2019-11-14 12:14:38  

దేశీయ బ్యాంకులైన స్టేట్ బ్యాంకు ఆఫ్ ఇండియా, హెచ్‌డీఎఫ్‌సీ, ఐసీఐసీఐ పిల్లల కోసం ప్రత్యేకమైన సేవింగ్స్ అకౌంట్ సేవలను అందిస్తున్నాయి. పిల్లల పేరుపై ఈ ఖాతాలను తెరవొచ్చు. తద్వారా వారికి చిన్నటి నుంచే బ్యాంక్ సేవలపై అవగాహన కల్పించొచ్చు. అలాగే మనీ సేవింగ్, పొదుపు వంటి విషయాల గురించి తెలియజేయవచ్చు. పిల్లలకు 10 ఏళ్లు లేదా ఆపైన వయసు వచ్చిన తర్వాత బ్యాంక్ అకౌంట్లను వారే నిర్వహించుకోవచ్చు. దీంతో వారు బ్యాంక్ డిపాజిట్స్, విత్‌డ్రాయెల్స్, మంత్లీ స్టేట్‌మెంట్ వంటి వాటిని అర్థం చేసుకోవడంతోపాటు అలవాటు కూడా చేసుకుంటారు. అలాగే పిల్లలకు క్రమంగా పర్సనల్ ఫైనాన్స్ అంశాల గురించి కూడా మీరు వివరించి చెప్పొచ్చు.

*children s day 2019 సందర్భంగా ఈరోజు దిగ్గజ బ్యాంకులు పిల్లల కోసం అందిస్తున్న సేవింగ్స్ అకౌంట్స్ వివరాల గురించి తెలుసుకుంద్దాం..

*SBI Pehla Kadam and Pehli Udaan- పిల్లలు లేదా మైనర్లు ఏ వయసులో ఉన్న వారైనాసరే ఎస్‌బీఐ పెహ్లి కడమ్ అండ్ పెహ్లి ఉడాన్ సేవింగ్స్ అకౌంట్‌ను తెరవొచ్చు. తల్లిదండ్రులు లేదా సంరక్షులతోపాటు పిల్లలపై పేరుపై జాయింట్ అకౌంట్‌ను ప్రారంభించొచ్చు. ఈ అకౌంట్‌పై ఇంటర్నెట్ బ్యాంకింగ్, మొబైల్ బ్యాంకింగ్ వంటి సేవలు లభిస్తాయి. అయితే రోజుకు ఇనన్నీ లావాదేవీలపై పరిమితి ఉంటుంది. చెక్‌బుక్ కూడా ఇస్తారు. డెబిట్ కార్డు కూడా మంజూరు చేస్తారు.

*HDFC Bank kids advantage account- 18 ఏళ్లకు లోపు వారు ఈ బ్యాంక్ అకౌంట్‌ను తెరవొచ్చు. డెబిట్ కార్డు అందజేసతారు. రోజుకు రూ.2,500 ఏటీఎం నుంచి తీసుకోవచ్చు. రోజుకు గరిష్టంగా రూ.10,000 వరకు ఖర్చు పెట్టొచ్చు. హెచ్‌డీఎఫ్‌సీ కిడ్స్ అడ్వాంటేజ్ అకౌంట్‌పై ఉచిత ఎడ్యుకేషన్ ఇన్సూరెన్స్ లభిస్తుంది. దీనికి మినిమమ్ బ్యాలెన్స్ రూల్స్ వర్తిస్తాయి. యావరేజ్ మంత్లీ బ్యాలెన్స్ కనీసం రూ.5,000 ఉండాలి. పాస్‌బుక్, ఫోన్ బ్యాంకింగ్, మొబైల్ బ్యాంకింగ్ వంటి సేవలు లభిస్తాయి.

*ICICI Bank Young stars savings account- ఐసీఐసీఐ బ్యాంక్ కూడా పిల్లల కోసం యంగ్ స్టర్స్ సేవింగ్స్ అకౌంట్ సేవలు అందిస్తోంది. అకౌంట్‌పై డెబిట్ కార్డు ఇస్తారు. రోజుకు షాపింగ్ కోసం రూ.2,500 వరకు ఖర్చు చేసుకోవచ్చు. ఏటీఎం నుంచి రూ.5,000 వరకు మాత్రమే డబ్బులు తీసుకోగలం. ఈ ఖాతా ఓపెన్ చేస్తే యాక్సిడెంటల్ ఇన్సూరెన్స్ ప్రొటెక్షన్, పర్చేస్ ప్రొటెక్షన్ కవర్ వంటి సదుపాయలు కూడా ఉన్నాయి. 18 ఏళ్ల వరకు వయసు ఉన్న వారు ఈ అకౌంట్ తెరవొచ్చు.