ఆ హీరోయిన్ కి బాలీవుడ్ కలిసొచ్చేనా ??

SMTV Desk 2019-01-22 16:28:01  Shalini pandey,bhamfad,Arjun reddy,Vijaydevarakonda,aditya,Bollywood entry

​​జనవరి 22: తెలుగులో వచ్చిన బోల్డ్ మూవీ ​ అర్జున్ రెడ్డి ​.. ఈ ​చిత్రంతో ​తెలుగు తెరకి పరిచయమైన నటి షాలిని పాండే​. ​ అర్జున్ రెడ్డి ​ ​సినిమా హిట్ అయినప్పటికీ ​షాలిని పాండే కి ​సరైన అవకాశాలు రాలేదు. ​అదే తనతో కలిసి నటించిన విజయ్ దేవరాకొండ కొత్త కొత్త సినిమాలతో దూసుకుపోతున్నాడు. షాలిని మాత్రం ​​అలనాటి సావిత్రి జీవితం ఆధారంగా తెరకెక్కిన మహానటి లో ​చిన్న పాత్రల్లో ​నటించింది​.​ కానీ మహానటి చేసినప్పటికీ మంచి గుర్తింపు రాలేదు. ​ ప్రస్తుతం​ నందమూరి ​ కళ్యాణ్ రామ్ హీరోగా నటిస్తోన్న 118 సినిమాలో వొక హీరోయిన్ గా షాలిని నటిస్తోంది. తాజాగా ఈ బ్యూటీకి బాలీవుడ్ లో మంచి ఆఫర్ వచ్చినట్లు ​వినికిడి. ప్రముఖ​ బాలీవుడ్​ నటుడు పరేష్ రావల్ కుమారుడు ఆదిత్యని హీరోగా పరిచయం చేస్తూ భాంఫాడ్ అనే సినిమాను రూపొందిస్తున్నారు. ఇందులో హీరోయిన్ గా షాలిని పాండేని ఎంపిక ​చేసినట్లు తెలుస్తోంది.​ ​ఈ సినిమాను​​ ​అనురాగ్ కశ్యప్ ​ నిర్మిస్తుండడంతో​ ​​​​అంచనాలు పెరిగిపోయాయి​​. ​ఈ సినిమా​ ద్వారా ​​​​​​రంజన్ చందేల్​ ​​​అనే వ్యక్తి ​నూతన దర్శకు​డిగా ​పరిచయం కాబోతున్నాడు. ​గతేడాదిలోనే సినిమా షూటింగ్ మొదలైనప్పటికీ సినిమాకు సంబంధించి ఎలాంటి ​న్యూస్ బయటకి రానివ్వలేదు.​ ​ప్రస్తుతం పోస్ట్ ప్రొడక్షన్ వర్క్ జరుగుతోంది. ఈ సినిమాతో షాలినికి బాలీవుడ్ లో హీరోయిన్ గా మంచి గుర్తింపు వస్తుందని చెబుతున్నారు. సినిమా సక్సెస్ అయితే గనుక ఈ ముద్దుగుమ్మ బాలీవుడ్ లో సెటిల్ అయిపోవడం ఖాయం.