మొట్టమొదటి సారిగా హోలోగ్రాఫిక్ డిస్‌ప్లే కలిగిన ఫోన్

హైడ్రోజన్ వన్ పేరిట వో నూతన ఆండ్రాయిడ్ స్మార్ట్‌ఫోన్‌ను విడుదల చేసిన హై ఎండ్ కెమెరాలను తయారు చేసే రెడ్ కంపెనీ. ఇది ప్రపంచంలోనే మొదటి హోలోగ్రాఫిక్ డిస్‌ప్లే కలిగిన ఫోన్ కావడం విశేషం.
ఈ డిస్‌ప్లేలో కనిపించే దృశ్యాలు 3డీ అనుభూతిని ఇస్తాయి. అయితే అందుకు 3డీ గ్లాసెస్‌ను ధరించాల్సిన పనిలేదు.

ఇక ఈ ఫోన్‌లో 5.7 ఇంచుల డిస్‌ప్లేను ఏర్పాటు చేశారు. హైడ్రోజన్ వన్ ఫోన్‌లో హోలోగ్రాఫిక్ 4 వ్యూ (హెచ్4వి) రికార్డింగ్ ఫీచర్‌ను ఏర్పాటు చేశారు. దీని వల్ల 3డీ క్వాలిటీ ఉన్న వీడియోలను కెమెరా ద్వారా షూట్ చేసుకోవచ్చు. అలాగే 3డీ ఫొటోలను కూడా తీసుకోవచ్చు.

ఇక ఈ ఫోన్‌లో ఇన్‌స్టాగ్రాం తరహాలో హోలో పిక్స్ అనే వో యాప్‌ను అందిస్తున్నారు. దీని సహాయంతో 3డీ ఫొటోలను షేర్ చేసుకోవచ్చు. అలాగే యాపిల్ ఐఫోన్లలో ఉండే ఫేస్ టైం తరహాలో ఈ ఫోన్‌లో వో వీడియో కాలింగ్ యాప్‌ను ఇందులో త్వరలో అందివ్వనున్నారు.
ఈ ఫోన్‌ను కొనుగోలు చేసిన వారికి హైడ్రోజన్ నెట్‌వర్క్ ద్వారా పెయిడ్ మూవీలు, వీడియోలను ఉచితంగా వీక్షించే సదుపాయం అందిస్తున్నారు. అదేవిధంగా ఈ ఫోన్‌లో ఆండ్రాయిడ్ వన్ ఆపరేటింగ్ సిస్టమ్‌ను అందిస్తున్నారు. రెడ్ హైడ్రోజన్ వన్ ఫోన్‌కు చెందిన అల్యూమినియం వేరియెంట్ ధర రూ.87,550 ఉండగా, టైటానియం వేరియెంట్ ధర రూ.1,16,770 గా ఉంది. అయితే ఈ ఫోన్ ఏయే దేశాల మార్కెట్లలో అందుబాటులోకి వస్తుందో రెడ్ కంపెనీ వెల్లడించలేదు.

5.7 ఇంచ్ క్వాడ్‌హెచ్‌డీ డిస్‌ప్లే, 2560 x 1440 పిక్సల్స్ స్క్రీన్ రిజల్యూషన్, ఆక్టాకోర్ స్నాప్‌డ్రాగన్ 835 ప్రాసెసర్, 6 జీబీ ర్యామ్, 128/256 జీబీ స్టోరేజ్, ఆండ్రాయిడ్ 8.1 వోరియో, 12 మెగాపిక్సల్ డ్యుయల్ బ్యాక్ కెమెరాలు, 8 మెగాపిక్సల్ డ్యుయల్ సెల్ఫీ కెమెరాలు, ఫింగర్ ప్రింట్ సెన్సార్, 4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 5.0 ఎల్‌ఈ, 4500 ఎంఏహెచ్ బ్యాటరీ.